Testuingurua
Ardatz kronologikoa egiteko pausuak:
- Ipini ardatzean Zuriñe jaio zen urtea.
- Banatu ardatza hamar zatitan, eta ipini bertan jarraian Zuriñeren bizitzako hamar urteak.
- Ipini, dagokien tokian, aurreko orrialdeko gertaerak.
- Ipini Zuriñek azaldutako beste zenbait jazoera ere: eman zituen lehen pausuak, eskolaurrera joan zenean, eta abar.
Zuriñeren jaiotza
IKERTU
5. Aurreko orrialdeetan Zuriñek bere historia kontatzen zigun.
Orain, zuk zeure historia berregin ezazu.
Ondorengo pausuei jarraitu:
- Sailkatu zure bizitzako gertaera garrantzitsuenak: jaiotza, lehen pausuak, eskolara lehendabizi joan zinenean, eta abar.
- Osatu zuk zeuk zerrenda.
Gutxienez, 8-10 gertaera ipini.
- Aukeratu dituzun gertaerei data ipini eta ordenatu kronologikoki.
- Marraztu koadernoan aurrekoaren antzeko ardatz kronologiko bat eta jarri bertan aukeratu dituzun gertaerak.
Ez ahaztu eskala ongi zehaztea.
TALDEKO ARIKETAK
6. Egin horma-irudi bat ondorengo izenburuarekin:
Gure oroitzapenak
- Bilatu etxean zuen iragana azaltzen duten argazki edo oroigarriak.
- Datatu eta ordenatu kronologikoki.
- Itsatsi argazkiak orrian.
- Argazki bakoitzaren azpian idatzi nori dagokion eta zer den argazkian agertzen dena.